Home / அருள்தாஸ் / மணியத்தான்

மணியத்தான்

வெள்ளந்தி மனசும்
அடுத்தோரை
பள்ளத்தில் வீழ்த்தாப்
பண்பும்

பழகப்பழக இனிக்கும்

பாமரனாய்

பவனிவந்தான்

எம் அத்தான்

 

யார்கண்பட்டதோ

யமன்

புற்றுநோய் வடிவெடுத்து

பொன்னான மேனிக்குள்

புகுந்து

பூவுடல்

எங்கும் படர்ந்து

மண்ணில் உடல்சரிய

மாகொடியோன்

வழிவகுத்தான்

 

அண்ணலே – எம்

ஆசைஅத்தானே – உன்

விண்ணுலக

உயிர் பயணம்

வெற்றியாய் அமைய

இறைவேந்தணிடம்

வேண்டுகிறோம்

 

உந்தன்

பிரிய மனையாள்

பேர்செல்வப்

புத்திர புத்திரிகள்

உம்சோகப்

 

பிரிவுத்துயர்நீங்கி

அன்றாடவாழ்வினிற்குள்

அமைதியாய்பயணிக்க

நின்புண்ணியமும்

நீ வாழ்ந்த கண்ணியமும்

நிற்சயம் துணையிருக்கும்

கவலைவிடு

 

அவ்விடம் நான்வருவேன்

இது உறுதி – நம்

தோழமை தொடரும்

உருவத்திற்கு தடையுண்டு

அருவத்திற்கு அதுஏது

எல்லோர்க்கும் நிரந்தரம்

அவ்விடமே

அதுவே நிதர்சனம்

 

குறிப்பு: எந்தன் அன்னை நலம் சொல்லு

ஆச்சி தந்தை நலம் கேட்டதாய் விளம்பிவிடு

இப்படிக்கு அருள்தாஸ்

பிரிவுத் துயரினால் வாடும் உறவுகட்கு சமர்ப்பணம்

About admin

Check Also

என் மாமனே

ஏமாற்றி விட்டாயே மாமா முப்பது ஆண்டு தவமிருந்து முள்வேலி அறுந்தது எனமகிழ்ந்து

Leave a Reply

Your email address will not be published. Required fields are marked *